რიცხვითი ინტეგრება
რიცხვითი ინტეგრება – მათემატიკის დარგი, რომელიც შეისწავლის განსაზღვრული ინტეგრალების მიახლოებით გამოთვლას (იმ შემთხვევაში, როცა ზუსტი ანალიზური გამოთვლა შეუძლებელია ან რთულია) და დიფერენციალური განტოლებების ამოხსნას. ინტეგრალების მიახლოებითი გამოთვლის ანალიზური მეთოდების გამოყენებისას ინტეგრალქვეშა ფუნქციას მიახლოებით ცვლიან რომელიმე უფრო მარტივი გამოსახულებით, საიდანაც ინტეგრალი უფრო ადვილი გამოსათვლელია. უფრო ხშირად იყენებენ ინტერპოლაციურ მრავალწევრს, ე. ი. მრავალწევრს, რომელიც ინტეგრალქვეშა ფუნქციას ემთხვევა ზოგიერთ წერტილში (ინტერპოლაციის კვანძებში).
დიფერენციალური განტოლების მიახლოებით ამოხსნას ეძებენ უსასრულო მწკრივის სახით და შემოისაზღვრებიან მისი წევრების სასრული რაოდენობით. სხვადასხვა სასაზღვრო ამოცანის ამოხსნისათვის ხშირად სარგებლობენ ტრიგონომეტრიული მწკრივებით.