აჩქარება (მათემატიკა)
NPLG Wiki Dictionaries გვერდიდან
აჩქარება – ვექტორული სიდიდე, რომელიც ახასიათებს ნივთიერი წერტილის მოძრაობის სიჩქარის სიდიდისა და მიმართულების ცვლილებას. უფრო ზუსტად, აჩქარება განისაზღვრება, როგორც სიჩქარის ვექტორის პირველი წარმოებული დროთი:
ნიუტონის მეორე კანონის თანახმად, ნივთიერი წერტილის აჩქარება პირდაპირპროპორციულია წერტილზე მოქმედი ძალისა და უკუპროპორციულია წერტილის მასისა. წერტილის აჩქარების ვექტორი მიმართულებით ემთხვევა მოქმედი ძალის ვექტორს.
„აჩქარების“ ცნება ეხება მხოლოდ წერტილს; სხეულის აჩქარების შესახებ საუბარი შეიძლება მხოლოდ გადატანითი მოძრაობისას, როცა დროის ყოველ აღებულ მომენტში სხეულის ყველა წერტილს აქვს ერთნაირი სიჩქარე და ერთნაირი აჩქარება (სიდიდით და მიმართულებით).
სულხან-საბა ორბელიანი ასე განმარტავს: „ააჩქარე – სისწრაფე მიეც“.