მარშალი (სამხედრო წოდება)
NPLG Wiki Dictionaries გვერდიდან
მარშალი – უმაღლესი სამხედრო წოდება მრავალი ქვეყნის შეიარაღებულ ძალებში. გაჩნდა XVI საუკუნეში საფრანგეთში. ჰქონდა განსაკუთრებული განმასხვავებელი ნიშანი – მარშლის კვერთხი. XIX საუკუნეში მარშლის წოდება შემოიღეს ესპანეთში, თურქეთში (მუშირი), იტალიაში, იაპონიაში. XX საუკუნეში – სხვა ქვეყნებშიც. ავსტრიაში (მოგვიანებით ავსტრია-უნგრეთში), პრუსიასა (გერმანიაში) და რუსეთში შეესაბამებოდა გენერალ-ფელდმარშლის რანგს, ხოლო დიდ ბრიტანეთში და სხვა ქვეყნებში – ფელდმარშლისას.