კრებსითი ლექსიკონი
NPLG Wiki Dictionaries გვერდიდან
კრებსითი ლექსიკონი – ლექსიკონი, რომელშიც სხვადასხვა წყაროებისა თუ ენობრივი ქვესისტემების ლექსიკური მონაცემები ერთი ლექსიკოგრაფიული პრინციპით არის გაერთიანებული. მაგ: დიალექტური ლექსიკის კრებსითი ლექსიკონი თავს უყრის არსებულ ლექსიკურ მასალას და მათ სისტემურად აერთიანებს ფუძის მიხედვით ან სხვა პრინციპით. ამგვარი ლექსიკონი ნათლად წარმოაჩენს ენის ლექსიკური ფონდის სიმდიდრეს, ცალკეულ ლექსიკურ ერთეულთა გავრცელებულობასა და სიხშირეს. კრებსით ლექსიკონს დიდი დახმარების გაწევა შეუძლია სხვადასხვა ხასიათის ლექსიკოლოგიური და ლექსიკოგრაფიული სამუშაოების შესრულებისას (განმარტებითი,იდეოგრაფიული, თუ ისტორიული ლექსიკონების შედგენა, ისტორიულ-ეტიმოლოგიური, სემასიოლოგიური და სხვა სახის კვლევა…).
ა. არაბული
