ერთგვაროვანი კოორდინატები
ერთგვაროვანი კოორდინატები წერტილის, წრფის და ა. შ. – კოორდინატები, რომელთაც ის თვისება გააჩნიათ, რომ მათი საშუალებით განსაზღვრული ობიექტი არ შეიცვლება, თუ ყველა კოორდინანტს გავამრავლებთ ერთი და იმავე რიცხვზე.
n – განზომილებიანი ევკლიდის, აფინური ან არითმეტიკული სივრცის (x1,x2,...xn) წერტილის ერთგვაროვანი კოორდინატები ეწოდება ყოველ დალაგებულ (მოწესრიგებულ) n+1 რიცხვის ერთობლიობას (y1,y2,…,yn,yn+1), ისეთს, რომ
- x1=y1/yn+1, x2=y2/yn+1,…,xn=yn/yn+1.
ამასთანავე, განსახილველი n -განზომილებიანი სივრცის ერთ (x1,x2,...,xn) წერტილს შეესაბამება მრავალი ასეთი დალაგებული ერთობლიობა n+1 რიცხვიდან, მაგრამ, ყოველი ასეთი ერთობლიობა პროპორციულია (x1,x2,...,xn, 1) ერთობლიობისა. მაგალითად, სიბრტყეზე M წერტილის ერთგვაროვან კოორდინატებად გამოდგება სამი რიცხვი: X,Y,Z, რომლებიც დაკავშირებულნი არიან დამოკიდებულებით: X∶Y∶Z=x∶y∶1, სადაც x და y – M წერტილის დეკარტის კოორდინატებია.
ერთგვაროვანი კოორდინატების ცნება მნიშვნელოვანია გეგმილურ გეომეტრიაში.
