ასტროიდა
ასტროიდა − (ბერძ. astroeides), წირი, რომელსაც აღწერს C(r) წრეწირის M წერტილი, როცა ეს წრეწირი შიგნიდან გორავს R რადიუსის უძრავ წრეწირზე და რადიუსებს შორის არსებობს დამოკიდებულება: R = 4r. ასტროიდას აქვს ოთხკუთხა ვარსკვლავის ფორმა. თუ კოორდინატთა ღერძები ასტროიდის წვეროებზე გადის მაშინ მის განტოლებას ასეთი სახე აქვს: x2/3 + y2/3 = R2/3;
პარამეტრული განტოლება: x = R cos3(1/4), y = R cos3(1/4).
ასტროიდას ფართობია S = 3/8 ·πR2.
სიმრუდის რადიუსი (pს=3/2 · R sin (1/2).
ასტროიდის ნებისმიერ წერტილზე გავლებული მხების მიერ კოორდინატთა ღერძებთან გადაკვეთით მიღებული მონაკვეთის სიგრძე მუდმივია და უდრის R- ს.
სახელწოდება შედგება ბერძნული სიტყვებიდან astron- „ვარსკვლავი“ და eidos- „სახე“, „გარეგნობა“; ე. ი. „ვარსკვლავისებური“. ტერმინი შემოიღო ასტრონომმა ლიტროვმა (1838), თუმცა ეს წირი ცნობილი იყო „ლაიბნიცისათვისაც“ (1715). XIX საუკუნეში იყენებდნენ ამ წირის სხვადასხვა სახელწოდებას, გამომდინარე მისი მრავალრიცხოვანი თვისებებიდან (მაგ., ის წარმოადგენს ელიფსის ევოლუტას, და სხვ).