წრეწირი
NPLG Wiki Dictionaries გვერდიდან
წრეწირი – ბერძნ. περιφερια – წრეწირი (პერიფერია) – სიბრტყის ყველა იმ წერტილის სიმრავლე, რომლებიც ერთი და იგივე R მანძილით არიან დაშორებული იმავე სიბრტყის მოცემული 0 წერტილიდან. R- წრეწირის რადიუსია, 0 - წრეწირის ცენტრი.
წრეწირის სიგრძე ℓ = 2πR -ის ტოლია. წრეწირის სიმრუდე (1/R) მის ყოველ წერტილში ერთი და იგივეა. დეკარტის მართკუთხა კოორდინატებში წრეწირის განტოლებას ასეთი სახე აქვს:
- (x-a)2+(y-b)2= R2,
სადაც (a,b) – წრეწირის ცენტრის კოორდინატებია.
წრეწირის პარამეტრული განტოლება, ცენტრით კოორდინატთა სისტემის სათავეში, ასეთი სახისაა:
- x= Rcost, y= Rsint,
სადაც x, y – წრეწირის M წერტილის კოორდინატებია, t – პარამეტრი (პოლარული კუთხის სიდიდე).
წრეწირის სიგრძის შეფარდება მის დიამეტრთან მუდმივი სიდიდეა: π=3,14159...
