ამოცნობის ნიშნები
ამოცნობის ნიშნები - განმასხვავებელი სიმბოლოები, ციფრული და ასოებრივ-ციფრული აღნიშვნები, აბრევიატურები და სხვა სპეციალური ნიშნები შეიარაღებაზე, სამხედრო ტექნიკასა და სამხედრო მოსამსახურეების ფორმის ტანსაცმელზე.
ამოცნობის ნიშნები საშუალებას იძლევიან დაადგინონ სახელმწიფოებრივი კუთვნილება, გაარკვიონ შეიარაღებული ძალების სახეობის, გვარეობის, სპეციალური ჯარების, სამსახურების და კონკრეტული სამხედრო ფორმირების მიმართ კუთვნილება.
ამოცნობის ნიშნების ფუნქციებს ასრულებენ სახელმწიფო გერბი, დროშა და მათი გამოსახულებები, ეროვნული შეფერილობის სხვადასხვა გეომეტრიული ფიგურები. იგივე დანიშნულება აქვს შეიარაღებული ძალების სახეობების, ჯარების (ძალების) გვარეობების, სპეციალური ჯარების, სამსახურების ემბლემებს.
ამოცნობაში ეხმარება კონკრეტული სამხედრო ფორმირებების სამხედრო დროშები (შტანდარტები), ალმები, სახელმწიფო რეგისტრაციის და პირობითი ტაქტიკური ნიშნები და ნომრები, სამხედრო მოსამსახურეების წარჩინების და განმასხვავებელი ნიშნები, სამკერდე და სამკლავური ნიშნები და სხვა. ამოცნობის ნიშნების რეგლამენტირება ხდება საერთაშორისო ნორმებით და წესებით, შეიარაღების და სამხედრო ტექნიკის დარიგებებით, სამხედრო ფორმის ტარების წესით და სხვა. სხვადასხვა ქვეყნაში მათ გააჩნიათ თავისებურებები და დამკვიდრებული ტრადიციები.
