ლა შოსე პიერ კლოდ ნეველ დე
მ (მომხმარებელმა Tkenchoshvili გვერდი „პიერ კლოდ ნეველ დე ლა შოსე“ გადაიტანა გვერდზე „[[ლა შოსე პიერ კლოდ...) |
|
(ერთი მომხმარებლის ერთი შუალედური ვერსია არ არის ნაჩვენები.) |
მიმდინარე ცვლილება 20:33, 12 ივლისი 2023 მდგომარეობით
პიერ კლოდ ნეველ დე ლა შოსე − (ფრანგ. Pierre-Claude Nivelle de La Chaussée; 14 თებერვალი 1692, პარიზი — 14 მარტი 1754[1][2], პარიზი), ფრანგი დრამატურგი. მან დრამატურგიაში ახალი ჟანრი ე.წ. „ცრემლიანი კომედია“ დაამკვიდრა.
ლა შოსეს ადრეულ კომედიებში ჯერ კიდევ გვხვდება კომიკური სცენები, გვიანდელი პერიოდის პიესები მთლიანად ამაღელვებელ, გულისამაჩუყებელ და, ამავე დროს, პათეტიკურ სიტუაციებზეა აგებული. შენარჩუნებულია სამი ერთიანობის კანონი და ძირითადად დაწერილია ალექსანდრიული ლექსთწყობით.
პირველი „ცრემლიანი კომედია“ არის „მელანიდა“ (1741), რომელშიც საერთოდ არ გვხვდება კომიკური ელემენტი და მხოლოდ კეთილი ფინალი აახლოებს კომედიურ ჟანრთან. პიესის მთავარი გმირი მელანიდა, მშობლების წინააღმდეგობის მიუხედავად, ჯვარს იწერს გრაფ დორმანსეზე, რომელიც მიატოვებს მას და მათ ვაჟიშვილ დარვიანს. მელანიდა შვილთან ერთად ცხოვრობს მეგობარ დორიზეისთან, რომლის ქალიშვილი როზალია შეუყვარდება დარვიანს. დედას კი უნდა ქალიშვილი მიათხოვოს მარკიზ დორვინს. მარკიზი დორვინი აღმოჩნდება გრაფი დორმანსე, დარვიანის მამა. ასე რომ, მამა-შვილი მეტოქეები ხდებიან. იმ დროს, როცა მოქმედება ორთაბრძოლაში უნდა გადაიზარდოს, სიმართლე მჟღავნდება. კომედია გულისამაჩუყებელი სცენით მთავრდება − ცოლქმარი რიგდება და ახალგაზრდების სიყვარულიც იმარჯვებს. ფრანგ ლიტერატორებში გამოითქვა აზრი, რომ „მელანიდას“ და, შესაბამისად, მსგავსი ჟანრის პიესებს დრამა ეწოდოს, მაგრამ კლასიციზმის კანონების ერთგულმა დრამატურგმა უარყო ეს წინადადება, რაც მოგვიანებით დიდრომ და მისმა მიმდევრებმა აიტაცეს.
ნინო ქირია