ჟანრი
NPLG Wiki Dictionaries გვერდიდან
ჟანრი — (ფრანგ. genre — სახეობა), ლიტერატურის და ხელოვნების ნაწარმოების სახეობა; აერთიანებს საერთო პოეტური სტრუქტურის მქონე ნაწარმოებთა ჯგუფს. ერთმანეთთან ესთეტიკურად ახლო მყოფი ჟანრები ქმნიან ლიტერატურის გვარეობას (მაგ. დრამატურგია). დრამატურგიის ძირითადი ჟანრებია – ტრაგედია, კომედია, დრამა, ტრაგიკომედია, თავის მხრივ ისინიც იყოფიან უფრო დაქუცმაცებულ ქვეჟანრებად. მაგ., კომედია იყოფა ვოდევილად, სატირულ კომედიად, ლირიკულ კომედიად, კომედია-პამფლეტად, კომედია-პაროდიად (და სხვ.).
ჟანრი ისტორიული და მარადცვლადი კატეგორიაა, მაგრამ ყოველთვის ინარჩუნებს ძირითად ნიშნებს. ახალი ჟანრების აღმოცენება (მაგ., ტრაგიფარსი) გამოწვეულია ადამიანის, მოვლენების და საზოგადოებრივი პროცესების ახლებური აღქმით და გააზრებით.