შვედეთი
შვედეთი (Sweden – შვედეთის სამეფო) – სახელმწიფო ჩრდილოეთ ევროპაში, სკანდინავიის ნახევარკუნძულზე. ქვეყანას აღმოსავლეთით და სამხრეთით ესაზღვრება ბალტიის ზღვა, სამხრეთ-დასავლეთით – ბალტიის და ჩრდილოეთის ზღვის დამაკავშირებელი სრუტეები.
ფართობი – 450 ათ. კმ2.
მოსახლეობა – 9,4 მლნ. კაცი (2012), 90% შვედი.
ოფიციალური ენა – შვედური.
დედაქალაქი – ქ. სტოკჰოლმი.
ადმინისტრაციულად იყოფა 21 ლენად (ოლქი). კონსტიტუციური მონარქია.
სახელმწიფოს მეთაურია მეფე, საკანმდებლო ორგანო – რიქსდაგი (ერთპალატიანი პარლამენტი), აღმასრულებელი – მთავრობა.
XX საუკუნის მსოფლიო ომებში შეინარჩუნა ნეიტრალიტეტი. შვედეთი განვითარებული ინდუსტრიული ქვეყანაა ინტენსიური სოფლის მეურნეობით.
მრეწველობის წამყვანი დარგებია – მანქანათმშენებლობა, ცელულოზა-ქაღალდის წარმოება, ხის დამუშავება, შავი და ფერადი მეტალურგია, კვების მრეწველობა. სამხედრო მრეწველობა აწარმოებს სარაკეტო და საარტილერიო სისტემებს, ჯავშანტექნიკას და საავიაციო ტექნიკას, ხომალდებს, ელექტროაპარატურასა და ხელსაწყოებს. სოფლის მეურნეობა აკმაყოფილებს ადგილობრივი მოთხოვნილების 80%-ს.
ძირითადი საზღვაო პორტებია – გეტებორგი, ჰელსინგბორგი, ლულეო, სტოკჰოლმი, მალმე.
საერთაშორისო აეროპორტებია – არლანდა (სტოკჰოლმი), ლანდვეტერი (გეტებორგი).
შეიარაღებული ძალები საერთო შემადგენლობით 21 ათ. კაცი (2012), სახმელეთო ჯარები 13,3 ათ., სამხედრო-საჰაერო 4,3 ათ. და სამეფო სამხედრო-საზღვაო 3,4 ათ. სანაპირო დაცვა, რეზერვი 262 ათ. დაკომპლექტება ხორციელდება შერეული სისტემით.
