სინგულარული ინტეგრალური განტოლებები
სინგულარული ინტეგრალური განტოლებები – ინტეგრალური განტოლებები ბირთვებითურთ, რომლებიც უსასრულობის ტოლი ხდებიან ინტეგრების არეში ისე, რომ უცნობი ფუნქციის შემცველი შესაბამისი არასაკუთრივი ინტეგრალი განშლადია და იცვლება თავისი მთავარი მნიშვნელობით კოშის მიხედვით.
კარგად შესწავლილი ზოგადი კლასის სინგულარული ინტეგრალური განტოლებებია კოშის ბირთვიანი განტოლებები:
ამ სახის განტოლებებამდე მივყავართ ანალიზურ ფუნქციათა თეორიის, დრეკადობის თეორიის, ჰიდროდინამიკის და სხვა ამოცანებს.
სინგულარული ინტეგრალური განტოლებების შესწავლა დაიწყეს XX ს-ში. იგი პირველად განიხილეს ა. პუანკარემ და დ. ჰილბერტმა. სინგულარული ინტეგრალური განტოლებების თეორიის განვითარებაში დიდი როლი შეასრულეს ტ. კარლემანისა და ი. პრივალოვის შრომებმა. მნიშვნელოვანი შედეგები მიიღეს ნ. მუსხელიშვილმა, ი. ვეკუამ, ვ. კუპრაძემ და მათმა მოწაფეებმა.