კომენდანტი
NPLG Wiki Dictionaries გვერდიდან
კომენდანტი - (ფრანგული commandant – მეთაური, უფროსი), თანამდებობის პირი სხვადასხვა სახელმწიფოს შეიარაღებულ ძალებში.
XVI საუკუნიდან კომენდანტს უწოდებდნენ ციხესიმაგრის გარნიზონის უფროსს. ზოგიერთი ქვეყნის შეიარაღებულ ძალებში კომენდანტი უზრუნველყოფს გარკვეულ რაიონში ან პუნქტში სამხედრო მოსამსახურეების და ჯარების მიერ სამხედრო დისციპლინის დაცვას, ასევე სხვადასხვა სამსახურის ნორმალურ საქმიანობას.