ვესტფალიის ზავი 1648
NPLG Wiki Dictionaries გვერდიდან
ვესტფალიის ზავი 1648 - ორი საზავო ხელშეკრულება, ერთი მხრივ, „საღვთო რომის იმპერიასა“ და მის მოკავშირეებს, მეორე მხრივ კი, შვედეთს, საფრანგეთსა და მათ მოკავშირეებს შორის. ორივე დოკუმენტს ხელი მოეწერა 1648 წლის 24 ოქტომბერს ვესტფალიის ქალაქებში მიუნსტერსა და ოსნაბრიუკში. ვესტფალიის ზავით დასრულდა ოცდაათწლიანი ომი.
შვედეთმა მიიღო სამფლობელოები ჩრდილოეთ გერმანიაში, საფრანგეთმა – ელზასსა და ლოთარინგიაში. აღიარებული იქნა გერმანელი მთავრების სრული დამოუკიდებლობა „საღვთო რომის იმპერიის“ იმპერატორისაგან. ვესტფალიის ზავმა იურიდიულად გაამაგრა გერმანიის დაქუცმაცება.
