გამოყენებითი მათემატიკის ინსტიტუტი
გამოყენებითი მათემატიკის ინსტიტუტი თბილისის სახელმწიფო უნივერსიტეტისა. 1966 წელს აკადემიკოს ილია ვეკუას ხელმძღვანელობით თსუ-ში გამომთვლელი მანქანების განყოფილების ბაზაზე შეიქმნა პრობლემური ლაბორატორია, რომელიც 1969 წელს გარდაიქმნა გამოყენებითი მათემატიკის ინსტიტუტად. ინსტიტუტს 1978 წელს ილია ვეკუას სახელი მიენიჭა.
გამოყენებითი მათემატიკის ინსტიტუტში ამუშავებენ მრავალგანზომილებიანი დიფერენციალურ და ინტეგრალურ განტოლებათა კვლევისა და ამოხსნის მეთოდებს გარსთა თეორიის, დრეკადობის თეორიის, მეტეოროლოგიის, პლაზმის ფიზიკის, აირის დინამიკის და გამოსხივებათა გადატანის გამოყენებითი ამოცანების ამოსახსნელად; ოპტიმალური მართვის ზოგიერთი ამოცანის ამოხსნის მიზნით ეწევიან თეორიულ კვლევას და ამუშავებენ რიცხვითს მეთოდებს; იკვლევენ დაპროგრამების თეორიულ და გამოყენებით საკითხებს; მუშაობენ უმაღლესი სკოლის ავტომატიზებული ინფორმაციული სისტემისა და მართვის ავტომატიზებული სისტემის შექმნაზე.
საინსტიტუტო სემინარზე წაკითხული მოხსენებები იბეჭდება „სემინარის მოხსენებათა ანოტაციების“ სახით; პერიოდულად გამოდის „შრომები“. (ქსე).
გამოყენებითი მათემატიკის ინსტიტუტს ხელმძღვანელობდნენ: ილია ვეკუა (1968-1977), ანდრო ბიწაძე (1979 – 1984), დავით გორდეზიანი (1985 – 2006); 2006 წლის დეკემბრიდან – გიორგი ჯაიანი.
