ბოჭკოები ლითონის საფარვლით
ბოჭკოები ლითონის საფარვლით — კონსტრუქციულ კომპოზიტებში ზოგჯერ გამოიყენება ბოჭკოები საფარვლით, რომელსაც აქვს სხვადასხვა ფუნქცია: ბოჭკოს ზედაპირის დაცვა დაჟანგვისაგან ან ექსპლუატაციისას თბური ნაკადის ზემოქმედებისაგან (აქტიური ქიმიური მოცულობითი ზემოქმედება მატრიცის ზედაპირთან); კომპოზიტის ფორმირების პროცესში ბოჭკოს ზედა-ირის დაცვა მომჭიმავი ძაბვებისაგან; ბოჭკოების ზედაპირული დეფექტების აღმოფხვრა; ბოჭკოების მედეგობის გაზრდა ცვეთისა და ღუნვისადმი.
ბოჭკოზე სხვადასხვა ლითონური საფარვლის დატანის ძირითად ტექნოლოგიურ მეთოდებს მიეკუთვნება: დალექვა აირულ ფაზაში, მეტალიზაცია გაორთქვლის ფაზაში და მეტალიზაცია ნადნობით. გამოიყენება ლითონები: ნიკელი, რკინა, მოლიბდენი, ცირკონიუმი, ალუმინი, სპილენძი და სხვ. საფარვლის სისქე მერყეობს მიკრონის ნაწილის რამდენიმე ათეულიდან რამდენიმე მიკრონამდე.
აირული და გაორთქვლის ფაზებში ბოჭკოს მეტალიზაციისათვის გამოიყენება ერთი და იმავე დანადგარი. პროცესი მიმდინარეობს ახლადფორმირებულ ბოჭკოზე.