ბეთ-ცურის ბრძოლა

ბეთ-ცურის ბრძოლა (ძვ.წ. 164) – ბრძოლა იუდეველებსა (იუდა მაკაბელი) და სელევკიდებს (ლისია) შორის.

ემაუსის ბრძოლის შემდეგ იუდა მაკაბელმა თავისი ჯარი ოთხ ნაწილად დაყო და მტრის დარჩენილი სამხედრო ნაწილების გასანადგურებლად დაძრა. ერთ ნაწილში 3000 მეომარი შედიოდა, მეორესა და მესამეში 1000, მეოთხეში კი. 5000. ბრძოლა ბეთ-ცურთან მოხდა. იუდამ ჩვეულ ხერხს მიმართა და მტრისთვის ალყის შემორტყმა დაიწყო. როცა ლისიას ჯარი ყველა მხრიდან ალყაში მოექცა, მათ რიგებში პანიკა დაიწყო, ნაწილი მაშინეე გაიქცა ბანაკისკენ, მაგრამ იქ მათ იუდას 5000 მეომარი ელოდათ, ამიტომ საერთოდ დატოვეს ბეთ-ცური და გაიქცნენ. ლისიამ 5000-ზე მეტი მეომარი დაკარგა და ანტიოქიისკენ დაიწყო უკანდახევა.

წყარო

ბიბლიის სამხედრო ენციკლოპედია