რიცხვითი მეთოდები
NPLG Wiki Dictionaries გვერდიდან
რიცხვითი მეთოდები – რიცხვებზე სასრული რაოდენობის ელემენტარულ ოპერაციებამდე დაყვანილი მათემატიკური ამოცანების მიახლოებითი ამოხსნის მეთოდები. წრფივი ალგებრის, მათემატიკური ანალიზის, დიფერენციალური განტოლებების და მათემატიკის სხვა დარგების ამოცანების რიცხვითი ამოხსნის მეთოდების ერთობლიობა.
მათემატიკური ანალიზის შექმნის შემდეგ ჩამოყალიბდა და განვითარდა ცალკეული რიცხვითი მეთოდები: განტოლების რიცხვითი ამოხსნა (მაგ., ნიუტონის მეთოდი, მიმდევრობითი მიახლოების მეთოდი), ინტერპოლაცია, მიახლოებითი ინტეგრირება და სხვა.