სამხედრო შეკვეთები
(→წყარო) |
(→წყარო) |
||
| ხაზი 9: | ხაზი 9: | ||
==წყარო== | ==წყარო== | ||
| − | ქართული სამხედრო ენციკლოპედიური ლექსიკონი | + | [[ქართული სამხედრო ენციკლოპედიური ლექსიკონი]] |
[[კატეგორია:სამხედრო საქმე]] | [[კატეგორია:სამხედრო საქმე]] | ||
17:08, 26 თებერვალი 2018-ის ვერსია
სამხედრო შეკვეთები - სახელმწიფო ორგანოების, სამხედრო უწყების ეკონომიკური ურთიერთობის ფორმა, უწინარეს ყოვლისა, სამხედრო-სამრეწველო კომპლექსთან, აგრეთვე იმ საწარმო-ორგანიზაციებთან, რომლებიც უზრუნველყოფენ შეიარაღებული ძალების მოთხოვნილების დაკმაყოფილებას მასალებზე, საშუალებებზე, სამეცნიერო-კვლევით და საცდელ-საკონსტრუქტორო სამუშაოებზე, მომსახურებაზე და სხვა. მისი საფუძველია სამხედრო უწყების (შემკვეთის) წინადადება ორგანიზაციის, ფირმის, თუ საწარმოსადმი (მეიჯარე, შემსრულებელი), დაამზადოს და მიაწოდოს პროდუქცია რაოდენობის, ხარისხის, ტაქტიკურ-ტექნიკური მახასიათებლების, ვადებისა და სხვა მოთხოვნების დაცვით ან შეასრულოს გარკვეული სამუშაო.
სამხედრო შეკვეთების ხასიათი განისაზღვრება სახელმწიფოს სამხედრო პოლიტიკით და სამხედრო დოქტრინის შინაარსით. სამხედრო შეკვეთების მოცულობასა და სტრუქტურაზე გავლენას ახდენს მსოფლიოში არსებული სამხედრო-პოლიტიკური ვითარება, სამხედრო-ტექნიკური პროცესი, ბირთვული იარაღისა და მასობრივი დაზიანების იარაღის სხვა სახეობების არსებობა, ტექნოლოგიების სრულყოფა, სამხედრო ტექნიკისა და იარაღის გაძვირება და სხვა.
სამხედრო შეკვეთების ანაზღაურება ხდება სახელმწიფოს მიერ სამხედრო ბიუჯეტიდან ან სამხედრო ხარჯებისთვის გამოყოფილი სახსრებიდან. კონტროლს უწევენ სახელმწიფო ხელისუფლების საკანონმდებლო და აღმასრულებელი ორგანოები. სხვადასხვა ქვეყანაში სამხედრო შეკვეთების სისტემა განსხვავდება ფორმისა და შინაარსის მიხედვით.
