ჯარების შეცვლა
ჯარების შეცვლა - ქვედანაყოფების, ნაწილების და შენაერთების მიერ დაკავებული პოზიციების, რაიონების (ზღუდეების), უბნების, ზოლების, ორგანიზებული მიღება და გადაცემა საბრძოლო ვითარებაში.
ჯარების შეცვლის დროს გადაიცემა:
- ადგილმდებარეობის დაკავებული რაიონები (პოზიციები, ზღუდეები და ა.შ.);
- ცნობები მოწინააღმდეგის შესახებ;
- ცეცხლის სისტემისა და მართვის ორგანიზაციის შესახებ;
- ადგილმდებარეობის, მისი საინჟინრო მოწყობის და ღობურების თაობაზე;
- კავშირგაბმულობის ორგანიზაციის შესახებ, ტოპოგრაფიული მიბმის და ქვემეხების გამიზვნის მონაცემები და სხვა.
ჯარების შეცვლისას დანიშნულ რაიონებში პირველ რიგში წინ წაიწევიან სადაზვერვო ქვედანაყოფები, სარაკეტო ნაწილი, სადაზვერვო-საცეცხლე კომპლექსი, არტილერია, საჰაერო თავდაცვის და I ეშელონის ნაწილები (ქვედანაყოფები). ამავე დროს, მოწინააღმდეგის შეტევაზე გადმოსვლის შემთხვევაში, მისი მოგერიება ხდება შესაცვლელი შენაერთის (ნაწილის, ქვედანაყოფის) მეთაურის ხელმძღვანელობით.
ჯარების შეცვლა ფორმდება აქტით. შეცვლის დასრულების მომენტად ითვლება შესაცვლელი შენაერთის (ნაწილის, ქვედანაყოფის) მეთაურის მოხსენება შეცვლის შესახებ თავისი უშუალო მეთაურისადმი.