ხვეულა
NPLG Wiki Dictionaries გვერდიდან
ხვეულა - საცერულის სახეობა. გავრცელებული იყო ხევსურეთსა და მთლიანად აღ. საქართველოში.
ხვეულა წარმოადგენს ორ ან სამ ერთმანეთთან დაკავშირებულ ან სპირალურად დახვეულ რგოლს. თითეული რგოლის გვერდი საკმაოდ ამონაწიბურებულია, თუმცა უფრო გლუვია, ვიდრე ბასრი. ხვეულას თითბერისაგან ამზადებდნენ და პირზე ორნამენტებსაც უკეთებდნენ. შიდა დიამეტრის დასაპატარავებლად და ცერზე მოსარგებლად ხევსურები ხმარობდნენ „დგინდგელ“-ს (მზადდება ფიჭვისაგან), რომელსაც ხვეულას შიგნიდან უსვამდნენ. ხვეულა თავისი კონსტრუქციით არა საკაწრავი, არამედ საცემარი იარაღია. „ხვეულა მოწინააღმდეგეს ჟეჟავს, ხოლო „მაღალი“ და ღაჯია ფხაჭნის“. ერთ-ერთი ვერსიით ხვეულა გამოიყენებოდა ასევე თოფის ჩახმახის მოსამართად და ზუმბის ამოსაღებად.
ლიტერატურა
გ. ჩიტაია, ხევსურული საცერული. შრ. ტ.II. 2000. მ.ქ.
