ქვის სამუშაოები
NPLG Wiki Dictionaries გვერდიდან
ქვის სამუშაოები – სამშენებლო სამუშაოები, რომელიც სრულდება ბუნებრივი ან ხელოვნური ქვის მასალისაგან შენობა-ნაგებობათა ასაგებად. გამოყენებული მასალის მიხედვით ქვის წყობის შემდეგი ძირითადი სახეები არსებობს:
1) კედლის, სვეტისა და შენობის სხვა ნაწილების აგურის წყობა;
2) ღრუ კერამიკული ქვით, მასიური და ღრუ წიდაბეტონის ქვით განხორციელებული წყობა;
3) დახერხილი, უმეტესად მსუბუქი ბუნებრივი ქანის ქვით (ტუფი, კირქვა და მისთ.) ამოყვანილი წყობა;
4) წყობა ბეტონის, რკინაბეტონის ან აგურის მსხვილი ბლოკებითა და პანელებით.
ქვის სამუშაოები ყველაზე გავრცელებული სახეობაა აგურის (მასიური და სიღრუეებიანის) და მცირე სიდიდის მსუბუქი პემზაბეტონის ბლოკების წყობა, რომელიც ხორციელდება ცალ-კეული ელემენტის დუღაბზე დაწყობით.
