ფინეთი
ფინეთი (Finland – ფინლანდიის რესპუბლიკა), სახელმწიფო ჩრდილოეთ ევროპაში. ქვეყანას სამხრეთ-დასავლეთით ესაზღვრება ბალტიის ზღვის ბოტნიის, ხოლო სამხრეთით – ფინეთის ყურეები.
ფართობი - 338 ათ. კმ2.
მოსახლეობა - 5,3 მლნ. კაცი (2012).
ოფიციალური ენა – ფინური და შვედური.
დედაქალაქი - ქ. ჰელსინკი.
ადმინისტრაციულად იყოფა 12 ლიანად (გუბერნია).
საკანონმდებლო ძალაუფლებას ფლობს პრეზიდენტი და ერთპალატიანი პარლამენტი, აღმასრულებელს – პრეზიდენტი და მთავრობა.
ფინეთმა დამოუკიდებლობა აღიარა 1917 წელს რუსეთის იმპერიიდან გამოსვლით. რესპუბლიკად გამოცხადდა 1919 წელს.
ფინეთი განვითარებული ინდუსტრიალ-აგრარული ქვეყანაა. მისდევენ მეცხოველეობას და თევზჭერას. მრეწველობის წამყვანი დარგებია: მანქანათმშენებლობა, ხე-ტყის დამუშავება, ცელულოზა-ქაღალდის წარმოება. განვითარებულია მეტალურგია, ქიმიური, კვების მრეწველობა.
სამხედრო მრეწველობა აწარმოებს საარტილერიო და ცეცხლსასროლ სისტემებს, საბრძოლო აღჭურვილობას.
ძირითადი საზღვაო პორტებია: ჰელსინკი, კოტკა, ტურკუ, ჰამინა.
საერთაშორისო აეროპორტი - ვანტა (ჰელსინკი).
შეიარაღებული ძალები საერთო შემადგენლობით 22,6 ათ. კაცი (2012), სახმელეთო ჯარები 16 ათ., სამხედრო-საჰაერო 2,7 ათ., სამხედრო-საზღვაო 3,9 ათ.; რეზერვი 350 ათ.. დაკომპლექტება ხორციელდება შერეული სისტემით.
