უმბრა (საღებავი)
NPLG Wiki Dictionaries გვერდიდან
უმბრა (ლათ. umbra ჩრდილი) – თიხოვანი წარმომავლობის ყავისფერი მინერალური პიგმენტი შეფერილი რკინისა და მანგანუმის ჟანგით. გამოირჩევა ამაღლებული სინათლემედეგობითა და მედეგობით ტუტეებისა და ატმოსფერული ზემოქმედების მიმართ. ამ საღებავმა ასეთი სახელწოდება მიიღო ერთ-ერთი უძველესი რომაული პროვინციის უმბრიის სახელთან დაკავშირებით, სადაც მას ძველად იღებდნენ. უმბრა მყარი საღებავია და უძველესი დროიდან გამოიყენება ყოველგვარ ფერწერაში, როგორც პიგმენტი. მოიხმარება საღებავების, ლინოლეუმის, მუშამბისა და სხვათა წარმოებაში.
