ულტრალამი
დადებითი თვისებები: ერთგვაროვნება, მაღალი სიმტკიცე, წყალმედეგობა, ცეცხლმედეგობა, ატმოსფერომედეგობა, მანკების გავლენის დაბალი დონე, ბზარმედეგობა, ხანგრძლივად გეომეტრიული ფორმის შენარჩუნება, საწყის ნედლეულად შედარებით დაბალი ხარისხის მერქნის გამოყენება, ადვილდამუშავებადობა, საიმედოობა მუშაობაში და სხვა.
უარყოფითი თვისებები: შედარებით მაღალი ფასი (დაახლოებით 1,5-ჯერ ძვირია ჩვეულებრივ მერქანთან შედარებით).
მასალა პირველად შეიქმნა აშშ-ის ტყითსარგებლობის ფედერალურ ლაბორატორიაში 1935 წელს, ხოლო მისი კომერციული წარმოება დაიწყო 1960-იან წლებში (კომპანია „ვეიზერჰაუზერი“). ევროპაში LVL-ის დამზადება, სავაჭრო მარკით Kerto, პირველად დაიწყო ფინურმა კომპანიამ Metsa Wood და ამჟამად წელიწადში ნაწარმის მოცულობა დაახლოებით შეადგენს 200 ათას მ3-ს. 2009 წლიდან ქარხანა (Талион Терра) მუშაობს რუსეთშიც (ქ. ტორჟოკი) წარმადობით 150 ათასი მ3 პროდუქცია წელიწადში, შემდეგ ანალოგიური ქარხანა ამუშავდა ქ. ნიაგანშიც (ЛВЛ Югра).
ცნობილია ულტრალამის 5 სახეობა: Ultralam Rb, Ultralam Rs, Ultralam R, Ultralam X და Ultralam I. მათი დრეკადობის მოდულის მნშვნელობები სახეობების მიხედვით იცვლება ზღვრებში: 16000-12700 მპა, ხოლო საანგარიშო წინაღობა ღუნვასა და კუმშვაზე ბოჭკოების გასწვრივ – 23,5-22 მპა.
გამოყენების სფერო: დაბალსართულიანი შენობების მზიდი კარკასის ელემენტები (სვეტი, რიგელი, კოჭი, ნივნივი, გრძივი), კარფანჯრები, ტიხრები, აივნისა და კიბის მოაჯირები, მაუერლატები, სასოფლო დანიშნულების შენობები, კანოე, ბაიდარკები და იახტები, კარკასული სახლები, საცხენოსნო-სპორტული კომპლექსები, მრავალბინიანი სახლები, კარის კარკასები, სართულშუა გადახურვები, კარკასულ-პანელური სახლები, ხიდები, სამშენებლო სისტემები, მანსარდები, დაშენებები, დროებითი ნაგებობები, სტრუქტურული კონსტრუქციები, გუმბათები, ენერგოეფექტური სახლები და სხვა.
