ტრისექტრისა კუთხის
NPLG Wiki Dictionaries გვერდიდან
ტრისექტრისა კუთხის – კუთხის წვეროდან გამომავალი სხივი, რომელიც კუთხეს ყოფს შეფარდებით 1:2, ე. ი. კუთხეს ჩამოჭრის მისი სიდიდის მესამედ ნაწილს.
XIX ს-ის ბოლოს ამერიკელმა ფ. მორლიმ დაამტკიცა თეორემა: თუ სამკუთხედში გავავლებთ ყველა ტრისექტრისას და აღვნიშნავთ ყოველ გვერდთან მდებარე წყვილი ტრისექტრისების გადაკვეთის წერტილებს, მაშინ ეს წერტილები იქნებიან წესიერი სამკუთხედის წვეროები.
