ტილიანობა
NPLG Wiki Dictionaries გვერდიდან
ტილიანობა, დატილიანება – (siphunculatosis; მწერების რაზმის დასახელება Siphunculata + ბერძნ. osis დაავადება) – ინვაზიური დაავადება (ენტომოზი). გამომწვევია მწერები, რომლებიც მიეკუთვნებიან Siphunculata-ს რაზმს. პარაზიტობენ ცხოველებისა და ადამიანის სხეულზე. გავრცელებულია ყველგან. შინაური ძუძუმწოვრების სხეულზე პარაზიტობენ ტილები, რომლებიც მიეკუთვნებიან Haematopinidae-ს, Linognaythidae-ს და Hoplopleuridae-ს ოჯახებს.
კლინიკური ნიშნები: კანის ქავილი, გამელოტების კერები, ნაკაწრები და დაბეჟილობა ნაქავებ ადგილებში. ტილიანობის (დატილიანების) შედეგად მცირდება ცხოველის წონამატი, ფერხდება მისი ზრდა-განვითარება. მძიმე ფორმით ავადდებიან ხბოები, ცხენები და ღორები.