ტექსტოლიტი
NPLG Wiki Dictionaries გვერდიდან
ტექსტოლიტი (ლათ. textum ქსოვილი და ბერძ. lithos ქვა) – ელექტრო-საიზოლაციო კონსტრუქციული ფენოვანი ფურცლოვანი მასალა ბოჭკოვან ქსოვილზე, რომელიც გაჟღენთილია თერმორეაქტიული ფისით (ბაკელიტი, პოლიეთერი, ეპოქსიდი). ტექსტოლიტი მინაბოჭკოზე ეწოდება მინატექსტოლიტი. ტექსტოლიტი კარგად მუშავდება ყველა სახის მექანიკური დამუშავებით. გამოიყენება კბილანების, სრიალის საკისრების, პანელების, შუასადებების, ტექნიკური დანიშნულების ამორტიზებული ნაკეთობების დასამზადებლად. ტექსტოლიტის ნაკეთობანი უზრუნველყოფენ უხმაურობას მუშაობისას, აქვს სამსახურის დიდი ვადა, ლითონის ნაკეთობებთან შედარებით ნაკლები ხვედრითი წონა. მზადდება ფურცლების სახით.
