სეპტაკორდი

სეპტაკორდი — აკორდი, შემდგარი 4 სხვადასხვა სახელწოდების ბგერისაგან, რომლებიც განლაგებულია ან შეიძლება განლაგდეს ტერციებად (სამხმოვანება ძირითადი ტონიდან აგებული სეპტიმის დამატებით), აღინიშნება ციფრით 7.

სეპტაკორდის ძირითად ტონს ეწოდება პრიმა; დანარჩენი ბგერებია — ტერციული ტონი (ტერცია), კვინტური ტონი (კვინტა), სეპტიმური ტონი (სეპტიმა). სეპტაკორდს. სამი შებრუნება აქვს. პირველ შებრუნებას ძირითადი სეპტაკორდის ტერციით ბანში, რომელიც სეპტიმასთან ქმნის კვინტურ ინტერვალს, ხოლო პრიმასთან სექსტურს, ეწოდება კვინტსექსტაკორდი (აღინიშნება 5/6). მეორე შებრუნებას — კვინტური ბგერით ბანში, რომელიც სეპტიმასთან ქმნის ტერციულ ინტერვალს, პრიმასთან კი კვარტულს, ეწოდება ტერცკვარტაკორდი (3/4); მესამე შებრუნებას - სეპტიმური ბგერით ბანში, რომელიც პრიმასთან ქმნის სეკუნდურ ინტერვალს, ეწოდება სეკუნდაკორდი (2).

კილოში მდებარეობის მიხედვით სეპტაკორდების მთავარი სახეობებია: დომინანტსეპტაკორდი (ს. დომინანტაზე), შემავალი სეპტაკორდი (ს. შემავალ ტონზე, ე. ი. VIII საფეხურზე) და სუბდომინანტსეპტაკორდი (ს. III საფეხურზე, უპირატესად გვხვდება პირველი შებრუნების, კვინტექსტაკორდის სახით. ე. ი სუბდომინანტური ბგერით ბანში). სეპტაკორდს, რომელიც შედგება სამი პატარა ტერციისაგან, ეწოდება შემცირებული სეპტაკორდი.

წყარო

ხელოვნების განმარტებითი ლექსიკონი