საჯარისო სამსახური
NPLG Wiki Dictionaries გვერდიდან
საჯარისო სამსახური – სამხედრო ნაწილებსა და ბაზებში (გარნიზონებში) ჯარების ყოველდღიური საქმიანობა, რომელიც უზრუნველყოფს ყოფა-ცხოვრების და სწავლის საჭირო პირობებს, საწესდებო წესრიგის და მაღალი სამხედრო დისციპლინის დაცვას.
საჯარისო სამსახურს ორგანიზებას უწევენ სათანადო მეთაურები (უფროსები) და შტაბები. ისინი მოქმედებენ დებულებების, წესდებების და ინსტრუქციების საფუძველზე, ზემდგომი მეთაურების ბრძანებების (განკარგულებების) მოთხოვნათა შესაბამისად.