სამხედრო-პოლიტიკური ვითარება
სამხედრო-პოლიტიკური ვითარება – სახელმწიფოებს (მათ კოალიციებს), პოლიტიკის სხვა სუბიექტებს ან შეიარაღებულ ძალებს შორის არსებული სამხედრო-პოლიტიკური ვითარება.
სამხედრო-პოლიტიკური ვითარების არსებითი ნიშანია პოლიტიკური და საკუთრივ სამხედრო ფაქტორების ურთიერთკავშირი. ხასიათის მიხედვით სამხედრო-პოლიტიკური ვითარება შეიძლება იყოს: სტაბილური, მყარი, დაძაბული, კრიზისული, შეიარაღებული ძალადობის ზღვრამდე მისული (ომისწინა), კონფლიქტური, საომარი და დაძაბულობის უმაღლეს დონეს მიღწეული.
სამხედრო-პოლიტიკური ვითარებას, აგრეთვე განასხვავებენ მასშტაბის მიხედვით (სივრცობრივი) – მსოფლიოში (გლობალური, საერთაშორისო); რეგიონში, საომარი მოქმედებების თეატრზე, სტრატეგიულ და საოპერაციო მიმართულებებზე (რეგიონული); ქვეყანაში ან ქვეყნების ნაწილში; განვითარების პირობების მიხედვით – მშვიდობიანი დროის და ომიანობის პერიოდის.
