რკინის მადანი
NPLG Wiki Dictionaries გვერდიდან
რკინის მადანი – ბუნებრივი მინერალური წარმონაქმნი, რომელიც ისეთი ნაერთების სახითა და ისეთი რაოდენობით შეიცავს რკინას, რომ მისგან ლითონის ამოღება ეკონომიკურად შესაძლებელია. რკინის მადნები ერთმანეთისაგან განსხვავდება მინერალური შემადგენლობის, რკინის შემცველობის, სასარგებლო და მავნე მინარევების რაოდენობის, წარმოქმნის პირობებისა და სამრეწველო თვისებების მიხედვით. რკინის ძირითადი მადნეული მინერალებია: მაგნეტიტი, ჰემატიტი; ჰიდროჟანგეულები – გოეთიტი, ჰიდროგოეთიტი, სიდერიტი; რკინიანი ქლორიტები – თიურინგიტი და შამოზიტი.
