კოსიცკაია ლუბოვ
NPLG Wiki Dictionaries გვერდიდან
ლუბოვ კოსიცკაია – Косицкая Любовь Павловна (1827-1868) რუსი თეატრის მსახიობი. დაიბადა ნიჟნი ნოვგოროდის გუბერნიაში. 13 წლის ასაკში გახდა ცნობილი ვაჭრის დოლგანოვის მსახური, რომელმაც იგი პირველად თეატრში მიიყვანა. 1844 წელს კი მოსკოვის იმპერიული თეატრის სამსახიობო ჯგუფის წევრი გახდა. ამავე წელს მან სწავლა დაიწყო მოსკობის თეატრალურ სკოლაში, რომლის დამთავრების შემდეგ 1847 წლიდან ის მონაწილეობდა ტრაგედიებში, კომედიებსა და ვოდევილებში. მის მიმართ აუდიტორია ყოველთვის კეთილგანწყობილი იყო. 1851 წელს ის ცოლად გაჰყვა მხატვარ ი. ნიკულინს. 1867 წელს, სასცენო მოღვაწეობის 20 წლისთავზე, ის ბენეფისით გამოემშვიდობა სცენასა და მაყურებელს.
