კავკასიური წაბლა
კავკასიური წაბლა- ძროხის ეს ჯიშის გამოყვანილია საქართველოს, სომხეთის, აზერბაიჯანის და დაღესტნის აბორიგენული ჯიშის ძროხების შეჯვარებით შვიცურ ჯიშთან. საქართველოს სანაშენე ფერმებში ამ ჯიშის საშუალო წლიური წველადობა 2300კგ-ს (შერჩეული ეგზემპლარის 4000 კგ-ს), რძის ცხიმიანობა 3,9 - 4,0%, ხოლო ფურს ცოცხალი მასა 420-460 კგ-ს შეადგენს. ნაკლავის გამოსავალი 60,1%-ია.
ამ ჯიშის საუკეთესო სულადობა არის ახალციხის, ახალქალაქის, ნინოწმინდის, წალკის რაიონებში, სომხეთში ტაშირის, ლორეს, სტეფანწმინდის და შაუმიანის რაიონებში. უფრო უკეთესი სამეურნეო მაჩვენებლები ახასიათებს კავკასიური წაბლას შვიცურ ჯიშთან შეჯვარებით მიღებულ ნაჯვარებს. შეძენისას გასათვალისწინებელია, რომ ხალას კავკასიურ წაბლა ჯიშის ცხოველებს აქვთ მუქი წაბლის ფერი, ზურგის ხაზის, ყურის ნიჟარის და ბარკლის შიგნითა ბალნის შეფერილობა მოწითალო. კავკასიური წაბლას შვიცურთან ნაჯვარები მუქიდან ღია წაბლისფერია, მხოლოდ დასახელებულ ადგილებში ბალნის შეფერილობა ღია მონაცრისფრო ფერისაა.
