ზევსის ტაძარი ოლიმპიაში

ტაძრის რეკონსტრუირებული რეპროდუქცია

ზევსის ტაძარი ოლიმპიაში – (ინგლ. Temple of Zeus at Ol-ympia), კლასიკური დორიული არქიტექტურის საუკეთესო ნიმუში პელოპონესის ნახევარკუნძულზე, საბერძნეთის ძველ ქალაქ ოლიმპიაში, რომელშიც მსოფლიოს ერთ-ერთი საოცრება, ფიდიასის მიერ შექმნილი ზევსის ქანდაკება იდგა. ტაძარი შენდებოდა ძვ. წ. 470-456 წლებში. ის უდიდესი იყო პელოპონესის ნახევარკუნძულზე. აღმოსავლეთ-დასავლეთის ორიენტაციის მქონე ტაძარი პერიპტეროსის სტილის ნაგებობა იყო პორტიკებზე 6-6 (ჰექსასტილი), თითოეულ გვერდზე კი 13-13 სვეტით. ბერძენი გეოგრაფის პავსანიას (პავსანიუსის) მიხედვით თითოეული სვეტის სიმაღლე იყო 10,43 მეტრი, დიამეტრი ბაზასთან 2,25 მ, ტაძრის სიგრძე 70,1 მ, სიგანე 29 მ, სიმაღლე პედიმენტამდე – 20,7 მეტრი.

წყარო

სამშენებლო ენციკლოპედიური ლექსიკონი