დიპლომატიური ბრძოლა ომში
დიპლომატიური ბრძოლა ომში - მეომარი მხარეების მიერ დიპლომატიური საშუალებების გამოყენება საომარი ინტერესებისთვის ყველაზე ხელსაყრელი საერთაშორისო ვითარების შესაქმნელად. დიპლომატიური ბრძოლა ომში არის დაპირისპირების სპეციფიკური ფორმა და ამავე დროს მისი ერთ-ერთი საშუალება, რომელიც ექვემდებარება შეიარაღებული ბრძოლის მოთხოვნილებებს.
დიპლომატიური ბრძოლის სფეროებს შეადგენენ სახელმწიფოებს შორის პოლიტიკური, ეკონომიკური, სამართლებრივი და საკუთრივ სამხედრო ურთიერთობები. დიპლომატიურ ბრძოლაში გამოიყენება სხვადასხვა საშუალება, ფორმა და მეთოდი, მათ შორის - სახელმწიფოთაშორისი განსხვავებული დონის და სახეობის კონტაქტები, რომლებიც ატარებენ ორმხრივ და მრავალმხრივ ხასიათს (ხორციელდება უშუალოდ ან მესამე პირების მეშვეობით); დიპლომატიური მიმოწერა; ვიზიტები და მოლაპარაკებები, თათბირები და შეხვედრები; კონფერენციები და კონგრესები; მზადება ორმხრივი და მრავალმხრივი ხელშეკრულებების დასადებად და სხვა დოკუმენტების ხელმოსაწერად; მონაწილეობა საერთაშორისო ორგანიზაციებისა და მათი ორგანოების მუშაობაში და სხვა.
დიპლომატიურ ბრძოლაში გამოიყენება როგორც მისი წარმოების ღია ფორმები, რომლებიც გარკვეულ საჯაროობას გულისხმობენ, ისე დახურული, ფარული დიპლომატიის მეთოდები.