ასირიულ-ბაბილონური ორნამენტი

NPLG Wiki Dictionaries გვერდიდან
გადასვლა: ნავიგაცია, ძიება
ასირიულ-ბაბილონური ორნამენტი

ასირიულ-ბაბილონური ორნამენტი − ორნამენტი, რომლის ჩამოყალიბებაში მნიშვნელოვანი როლი ითამაშა ძველეგვიპტურმა ხელოვნებამ, თუმცა ეგვიპტური ფორმების იდენტურობის გარდა მას ჰქონდა საკუთარი ფორმებიც (მცენარეული და ემბლემური). ასირიისა და ბაბილონის არქიტექტურულ ნაგებობებსა და გამოყენებით ხელოვნებაში ორნამენტი, ძირითადად, გეომეტრიული ხასიათის იყო (ვარსკვლავი, როზეტი), აგრეთვე მოიცავდა მცენარეულობის (გირჩები, ბროწეულები, ანანასი), ფანტასტიკური ცხოველებისა და თევზების სტილიზებულ გამოსახულებებს. ემბლემური ფიგურებიდან ყველაზე გავრცელებული იყო ადამიანისთავიანი, ფრთებიანი ხარის ფიგურა, მთის ცხვარი მრგვლად გადაღუნული დიდი რქებითა და კლასიკური მოტივი – სიცოცხლის ხე იქით-აქეთ გაწყვილებული მთის თხებით. ასირიულ-ბაბილონური ორნამენტი გამოიყენებოდა საეკლესიო და საკულტო შენობების ინტერიერებისა და ექსტერიერების შესამკობად, ქანდაკებებისა და ჭურჭლის მოსახატად და სხვ.



წყარო

სამშენებლო ენციკლოპედიური ლექსიკონი

მოძიებულია „https://www.nplg.gov.ge/wikidict/index.php?title=%E1%83%90%E1%83%A1%E1%83%98%E1%83%A0%E1%83%98%E1%83%A3%E1%83%9A-%E1%83%91%E1%83%90%E1%83%91%E1%83%98%E1%83%9A%E1%83%9D%E1%83%9C%E1%83%A3%E1%83%A0%E1%83%98_%E1%83%9D%E1%83%A0%E1%83%9C%E1%83%90%E1%83%9B%E1%83%94%E1%83%9C%E1%83%A2%E1%83%98&oldid=164699“-დან
პირადი ხელსაწყოები
სახელთა სივრცე

ვარიანტები
მოქმედებები
ნავიგაცია
ხელსაწყოები