ანტიგონე II მატათია
ანტიგონე II მატათია – (მმართველი ძვ.წ. 40-37) – ხასმონეების (მაკაბელების) დინასტიის უკანასკნელი მეფე, არისტობულე II-ის მეორე ვაჟი.
იერუსალიმის დაკავების შემდეგ გნეუს პომპეუსის მიერ (ძვ.წ. 63) ტყვედ იქნა წაყვანილი რომში ოჯახის სხვა წევრებთან ერთად. იულიუს კეისარმა იუდეის მმართველად ანტიპატრე II დანიშნა, ჰეროდე დიდის მამა.
იულიუს კეისრის მკვლელობის შემდეგ (ძვ.წ. 44) ანტიგონემ რამდენჯერმე სცადა იერუსალიმის დაპყრობა. საბოლოოდ მან კავშირი შეკრა პართიის მძლავრ სამეფოსთან და რომის მტერი გახდა. პართიელებმა ანტიგონე II იუდეის მეფედ და მღვდელმთავრად ოფიციალურად გამოაცხადეს ძვ.წ. 40 წელს, ხოლო რომაელებმა მეფედ ჰეროდე მოისურვეს. პართიელების განადგურებით რომაელებმა დახმარება აღმოუჩინეს ჰეროდეს და ხანგრძლივი ალყის შემდეგ ანტიგონე II საბოლოოდ დაამარცხეს. ის, მარკუს ანტონიუსის ბრძანებით, ქალაქ ანტიოქიაში, სიკვდილით დასაჯეს.