ავიაციის ბაზირება
NPLG Wiki Dictionaries გვერდიდან
ავიაციის ბაზირება - საავიაციო ქვედანაყოფების, ნაწილებისა და შენაერთების (გაერთიანებების) მიერ სააეროდრომო ქსელის, ავიამზიდი ხომალდების, ბაზების, საწყობების, მიმოსვლის გზების, ადგილობრივი რესურსებისა და იმ საწარმოო ფონდების გამოყენება, რომლებიც უზრუნველყოფენ განლაგების, საბრძოლო მზადყოფნის შენარჩუნების, ყოველდღიური საქმიანობისა და საბრძოლო მოქმედების წარმოებისათვის საჭირო პირობებს.
ბაზირების სიღრმეს (ფრონტის ხაზიდან დაცილებას) განსაზღვრავს ავიაციის გვარეობების დანიშნულება, შესასრულებელი ამოცანები, თვითმფრინავების (ვერტმფრენების) საფრენოსნო-ტაქტიკური მახასიათებლები, აგრეთვე აეროდრომების (დასაფრენი მოედნების) არსებობა და ავიაციის საბრძოლო მოქმედებების უზრუნველყოფის ყველა სახეობის შესაძლებლობები.