ახუშთაარა

ახუშთაარა (ახοჷშοთაარა) - აფხ. კერა, „საკვების განაწილების ადგილი“. კერა მრგვალ წნულ აქვაცვ-ში, მრგვალი, ხოლო აბიცა-თძი-ში ოთხკუთხედი კეთდებოდა. სახლის კარის მოპირდაპირე მხარეს, უკანა კედელთან დებდნენ გათლილ ქვას სიმაღლით 15-25 სმ. . მასზე ჩამოდებდნენ მსხვილი შეშის ბოლოებს, რაც ჩქარ აალებას უწყობდა ხელს. როდესაც აფხაზებმა კერის ჯაჭვის გამოყენება ისწავლეს, მაშინ კერა წნული ფაცხის შუაში მრგვალი ან ოთხკუთხა ფორმის ჩაღრმავების კეთება დაიწყეს მიწის იატაკზე,რომელსაც თიხით ლესავდნენ. იგი ზომით 100×60 სმ იყო, რომელიც იატაკს თითქმის უსწორდებოდა.ახუშთაარა საოჯახო ყოფის ცენტრს წარმოადგენდა არხნშნა-სთან (= საკიდი ჯაჭვი) ერთად. იგი ოჯახის ერთობლიობის სიმბოლო იყო. უცხო ადამიანის მიერ საკიდ ჯაჭვზე ხელის შევლება, ჩამოხსნა ან რაიმე სხვა შეურაცხმყოფელი საქციელი ჩვეულებითი სამართლის სისხლს-მესისხლეობის წესს ექვემდებარებოდა.

წყარო

აფხაზურ-ქართულ ეთნოგრაფიულ ტერმინთა განმარტებითი ლექსიკონი