მენელსაცხებლე დედები
წმინდა მენელსაცხებლე დედები – ქრისტეს წმინდა ეკლესიამ მენელსაცხებლე დედებად შერაცხა ექვსი წმინდა მანდილოსანი: მარიამ მაგდალინელი, მარიამ კლეოპასი, იაკობ და იოანე მოციქულების დედა - სალომე, სუსანა, მართა და მარიამი. ამ დედებს ასე დიდი პატივი იმ უსაზღვრო სიყვარულისა და ერთგულებისათვის მიენიჭათ, რომელიც მაცხოვრის მიმართ მისთვის ყველაზე მძიმე და სახიფათო წუთებში გამოიჩინეს.
როცა ურიათა გულბოროტი მღვდელმთავრების მიერ წაქეზებული ებრაელები სასტიკად დევნიდნენ ყველას, ვინც კი იესო ქრისტესთან ურთიერთობაში იყო შემჩნეული, როცა ქრისტე თვით ყველაზე ახლობელმა ადამიანებმაც კი მიატოვეს, მენელსაცხებლე დედები იესო ქრისტეს განცხადებულად ტიროდნენ და იგლოვდნენ, უშიშრად იდგნენ ჯვარცმულის წინ, ხოლო განთიადისას საფლავისკენ მიიჩქაროდნენ, რათა ებრაელთა წესისამებრ, საყვარელი მოძღვრის ცხედრისათვის ნელსაცხებელი ეცხოთ.
ღვთისმსახურება
აღდგომის შემდეგ მესამე კვირა ეძღვნება მენელსაცხებლე დედებს, რომლებიც მაცხოვრის სიკვდილის შემდეგ მივიდნენ მისი სხეულის განსაბანად და გახდნენ აღდგომის პირველი მოწმეები. დიდი პარასკევის სამი ტროპარი კიდევ ერთხელ იგალობება და მათგან იქმნება დღის თემა:
იხილე აგრეთვე
წყარო
ბარბაქაძე ლია. ჯიბის ცნობარი მართლმორწმუნე ქრისტიანისათვის; თბილისი, 2013 წ.
