თლილი
NPLG Wiki Dictionaries გვერდიდან
01:44, 4 მაისი 2024-ის ვერსია, შეტანილი Tkenchoshvili (განხილვა | წვლილი)-ის მიერ
თლილი, (ღრმანი) – მთა ადიგენის მუნიციპალიტეტში, არსიანის ქედის აღმოსავლეთ ფერდობზე, მდინარეების – ძინძესა (ქვაბლიანის მარჯვენა შენაკადი) და ღრმანისწყლის (ფოცხოვის მარცხენა შენაკადი) წყალგამყოფზე, ზ.დ. 2474.4 მ სიმაღლეზე. გუმბათისებრი ფორმის მთაა და აგებულია ანდეზიტ-დაციტებით. მრავლადაა ქვაყრილები. შემოსილია სუბალპური მდელოებით. ჩრდილოეთ ექსპოზიციის ფერდობებზე გვხვდება ბუჩქნარები.
