პირდაპირპროპორციულობა
NPLG Wiki Dictionaries გვერდიდან
პირდაპირპროპორციულობა – ფუნქცია, რომელიც მოცემულია ფორმულით: y=kx, სადაც k – პროპორციულობის კოეფიციენტია (k≠ 0), x – არგუმენტი, y – ფუნქცია.
ორ x და y სიდიდეს შორის დამოკიდებულებას პირდაპირპროპორციული ეწოდება, თუ მათ შორის დამოკიდებულება გამოისახება ტოლობით: y=kx.
პირდაპირპროპორციული დამოკიდებულების გრაფიკს წარმოადგენს კოორდინატთა სისტემის სათავეზე გამავალი წრფე; იგი აბსცისათა ღერძის მიმართ დახრილია ისეთი α კუთხით, რომლისთვისაც tgα=k.