მ

„მ“ – ქართული ანბანის მეთორმეტე (ძველ ქართული მეცამეტე) ასო. მისი სახელია „მანი“; გრაფიკული სიმბოლო წყვილბაგისმიერი ხშვის მქონე ნასალური (ცხვირისმიერი) სონორი ფონემისა. ასომთავრულში იწერებოდა Ⴋ მისი მოხაზულობა წრისა და ხაზების კომბინაციაა. ნუსხური ⴋ მარჯვნივაა გადახრილი. მხედრული მ ერთიან, მომრგვალებულ კონტურს იძენს. ნუსხური ⴋ და მხედრული მ ოთხხაზოვანი სისტემის ზედა სამ ხაზს შორის იწერება.

ძველ ქართულ სათვალავში აღნიშნავდა ორმოცს (40).