შარტავა ჟიული

ჟიული შარტავა
პოლიტიკური და სახელმწიფო მოღვაწე

შარტავა ჟიული კალისტრატეს ძე (დ. 7 მარტი, 1944, – გ. 27 სექტემბერი, 1993, სოხუმი), პოლიტიკური და სახელმწიფო მოღვაწე, გენერალ-მაიორი (1993). ტექნიკურ მეცნიერებათა კანდიდატი (1992).

განათლება

• საქართველოს ტექნიკური უნივერსიტეტი (1966),
• ასპირანტურა (1973) და სსრ კავშირის საგარეო საქმეთა სამინისტროს დიპლომატიური აკადემია.

პოლიტიკური მოღვაწეობა

მუშაობდა ხელმძღვანელ თანამდებობებზე. საქართველოს რესპუბლიკის მე-3 მოწვევის პარლამენტის წევრი (1992-93): მაჟორიტარი, №4.20 რუსთავის ერთმანდატიანი საარჩევნო ოლქი. 1993 წელს დანიშნეს აფხაზეთის ავტონომიური რესპუბლიკის თავდაცვის საბჭოს და მინისტრთა საბჭოს თავმჯდომარედ.

მკვლელობა

წამებით მოკლეს 1993 წლის 27 სექტემბერს სოხუმში, ქალაქის დაცემის დღეს.

ჯილდოები

დაჯილდოებულია ვახტანგ გორგასლის I ხარისხის ორდენით (გარდაცვალების შემდეგ), მიენიჭა ეროვნული გმირის წოდება.

იხილე აგრეთვე

ჟიული შარტავა

წყარო

ქართული სამხედრო ენციკლოპედიური ლექსიკონი
საქართველოს პარლამენტის წევრები 1990-2015