ღრუს ბორები

ბორები

ღრუს ბორები – (Oestridae; ბერძნ. oistros შეშლილობა + id ბოლოსართი, ნიშნავს შთამომავალს), ფართოდ გავრცელებული ცხვირ-ხახის ბორების ოჯახი; მიეკუთვნება Brachycera-ს ქვერაზმს, Diptera-ს რაზმს, Insecta-ს კლასს. ცხოველების ესტრიდოზების აღმძვრელები. ცოცხალმშობი მწერები.

სახეობები:

- Oestrus ovis (ლათ. ovis ცხვარი) – ცხვრის ბორა, რომლის ლარვები პარაზიტობენ ცხვრის ცხვირის ღრუში, ცხაურა ძვლის ლაბირინთებში, შუბლის წიაღში, იშვიათად – ადამიანის თვალში;

- Cephenomya trompe (ბერძნ. kephen მამრი ფუტკარი + myia ბუზი + trompe შიშის მომგვრელი) – ბორა, რომლის ლარვები პარაზიტობენ ჩრდილოეთის ირმების ცხვირ-ხახის ღრუში;

- Rhinoestrus purpureus (ბერძნ. rhinos ცხვირი + oistros შეშლილობა და ლათ. purpureus მეწამული ფერი) – ბორა, რომლის ლარვები პარაზიტობენ ცხენის, სახედრის, ჯორისა და ჯორცხენას ცხვირისა და მის მომიჯნავე ღრუებში;

- Rh.latifrons (ლათ. latus ფართო + frons შუბლი) – და Rh.uzbekistanicus (ლათ. უზბეკური) – ბორა, რომლის ლარვები ცხენის, სახედრის, ჯორისა და ჯორცხენას პარაზიტები არიან;

- Cephalopina titillator (ბერძნ. kephale თავი + pinein და ლათ. titillare შეღიტინება) – ბორა, რომლის ლარვები პარაზიტობენ აქლემის ცხვირის ღრუში, ცხვირ-ხახასა და ცხაურა ძვლის ლაბირინთებში.

• 

  Oestrus ovis

• 

  Cephalopina titillator

წყარო

სავეტერინარო პარაზიტოლოგიის ტერმინთა ლექსიკონი