დიდასკალია
დიდასკალია – (ძვ. ბერძ. Ϫιδασκαλία მეცნიერება, ინსტრუქცია) – ძველ საბერძნეთში დრამატულ ხელოვნებაში შეჯიბრებების და თეატრალური დადგმების ოქმები; წარწერები მარმარილოს ფილებზე. დიდასკალიებში შეტანილი იყო დრამატურგების და პროტაგონისტების (პირველი მსახიობი) სახელები, დადგმული პიესების სახელწოდებანი და შეჯიბრებათა შედეგები. ზოგიერთმა ამონაწერმა დიდასკალიებიდან, განხორციელებულმა არისტოტელეს და ელინისტური ეპოქის სხვა სწავლულების მიერ, ჩვენამდე მოაღწია ტრაგედიების და კომედიების ხელნაწერებში, შესავალ ნაწილებში და სქოლიოებში. ამ ამონაწერებს და ასევე დიდასკალიებს უდიდესი მნიშვნელობა ენიჭება ანტიკური დრამის და თეატრალური ხელოვნების შესწავლისათვის.
1. ძველბერძნულ თეატრში დრამატული შეჯიბრებებისა და სპექტაკლების ოქმი. დიდასკალია წარწერაა მარმარილოს ფილაზე. მასში მოხსენიებულნი არიან დრამატურგები და პროტაგონისტები (პირველი აქტიორები), პიესების სახელწოდებანი და შეჯიბრების შედეგები. დიდასკალიის ზოგიერთ ამონაწერს, რომელიც შესრულებულია არისტოტელესა და ელინისტური ეპოქის მეცნიერთა მიერ და ჩვენამდე მოაღწიეს ტრაგედიებისა და კომედიების ხელნაწერებში, უდიდესი მნიშვნელობა აქვს ანტიკური დრამისა და თეატრალური ხელოვნების ისტორიის შესწავლისათვის.
