მონტრეს კონფერენცია 1937

12:05, 24 მაისი 2024-ის ვერსია

მონტრეს კონფერენცია 1937 - მოიწვიეს დიდი ბრიტანეთის ინიციატივით და ჩატარდა 12. IV 8. V მონტრეში (შვეიცარია). მასში მონაწილეობდნენ ეგვიპტე და ამ ქვეყანაში კაპიტულაციური პრივილეგიებით მოსარგებლე სახელმწიფოები: აშშ, დიდი ბრიტანეთი, საფრანგეთი, ბელგია, ნიდერლანდი, ესპანეთი, პორტუგალია, ნორვეგია, დანია. შვეცია და საბერძნეთი. მონტრეს კონფერენციაზე ხელი მოაწერეს კონვენციას ეგვიპტეში კაპიტულაციის რეჟიმის სრული გაუქმებისა და უცხოელებზე ეგვიპტის კანონთა გავრცელების შესახებ. კონვენცია ითვალისწინებდა „გარდამავალ პერიოდს", რომლის განმავლობაში ეგვიპტის სუვერენიტეტი სერიოზულად შეიზღუდებოდა, სინამდვილეში კაპიტულაციის რეჟიმის ლიკვიდაციის პროცესი ეგვიპტეში გაგრძელდა 1949-მდე.

წყარო

• ქართული დიპლომატიური ლექსიკონი