ენათა კლასიფიკაციები
(ახალი გვერდი: '''ენათ კლასიფიკაციები''' – მსოფლიოს ენათა განაწილება სხვადას...) |
(→წყარო) |
||
| ხაზი 8: | ხაზი 8: | ||
[[კატეგორია:ენები]] | [[კატეგორია:ენები]] | ||
[[კატეგორია:ენათმეცნიერება]] | [[კატეგორია:ენათმეცნიერება]] | ||
| − | [[კატეგორია:ენათა | + | [[კატეგორია:ენათა კლასიფიკაციები]] |
20:26, 21 დეკემბერი 2023-ის ვერსია
ენათ კლასიფიკაციები – მსოფლიოს ენათა განაწილება სხვადასხვა ჯგუფში გარკვეული ნიშ-ნების მიხედვით. ენათ კლასიფიკაციების პრობლემა წარმოიშვა ენათა შედარების შედეგად. ცნობილია ენათა რამდენიმე კლასიფიკაცია, რომელთა საფუძველია განსხვავებული საკლასიფიკაციო ნიშნები. ყველაზე გავრცელებულია ენათა გენეალოგიური და ტიპოლოგიური კლასიფიკაციები. ენათა გენეალოგიური კლასიფიკაცია ენებს აჯგუფებს მათი საერთო წარმომავლობის მიხედვით, ენათა ტიპოლოგიური კლასიფიკაცია კი ემყარება ენათა შორის მსგავსებას რომელიმე სტრუქტურული (ფონოლოგიური, მორფოლიოგიური, სინტაქსური და სემანტიკური) ნიშნის მიხედვით. სხვა კლასიფიკაციებიდან აღსანიშნავია: ე. შმიდტის კლასიფიკაცია (1926). რომელიც გულისხმობდა კულტურული წრეების შესაბამისად ენათა ოჯახებზე უფრო ფართო გაერთიანების – ენათა წრეების დადგენას, დამყარებულს ფონეტიკური და გრამატიკული მსგავსება-განსხვავებაზე; არეალური ლინგვისტიკის ჰრინციპებზე აგებული არეალური კლასიფიკაცია ენებს აჯგუფებს ენობრივი მოვლენების ტერიტორიული გავრცელების მიხედვით. არეალურმა კლასიფიკაციამ შეიძლება მოიცვას როგორც გენეტიკურად მონათესავე, ისე – არამონათესავე ენებიც და გამოყენებულ იქნეს ერთი ენის ფარგლებშიც (დიალექტური მოვლენების შესასწავლად). ენათა არეალური კლასიფიკაციის სახეა ენათა კავშირიც: ერთიანი გლოტოგონიური პროცესის დაშვებაზეა აგებული ნ. მარის სტადიური კლასიფიკაცია და ა. შ.
ლ. ენუქიძე
