Arnebia pulchra Edm
NPLG Wiki Dictionaries გვერდიდან
Arnebia pulchra [Willd. Ex Roem. & Schult.] Edm. – ოჯახი: ლაშქარასებრნი (Boraginaceae). ერთწლიანი მცენარეა, გაფარჩხული, უხეში ჯაგრისებური ბეწვით მოფენილი. ღერო სწორია ან ძირიდანვე დატოტვილი. სიმაღლე – 5-25 სმ. ქვედა ფოთლები მობლაგვოა, ზედა – წაწვეტებული, ქვედა მხრიდან ჯაგრით მოფენილი. გვირგვინი ყვითელია. გადანაღუნზე აქვს მეტად წვრილი, იისფერი ლაქები ან ლაქების გარეშეა. ყვ. ნაყ. V-VII. ნახევარუდაბნოების მცენარეა, გვხვდება შირაქსა და გარე კახეთში. ნახვა შესაძლებელია ელდარის დაბლობზე. ამ არეალის გარდა, საქართველოში სხვაგან არ არის გავრცელებული.
